2020東京奧運，又有一位超新星要留意喇。17歲嘅池江璃花子，啱啱喺日本全國游泳錦標賽入面，所報名嘅四項賽事全部奪金，而且全數打破日本全國紀錄，女子100米自更打破埋亞洲紀錄添！池江璃花子除咗係日本奧運奪金希望之外，仲因為勁似廣末涼子而人氣爆燈，日本傳媒仲稱佢為「水上の広末」，難怪又Pure又True嘅佢，喺日本成為游泳女神！
池江璃花子一直係日本重點培訓嘅運動員，2016年里約奧運，佢就代表國家參加7項賽事。池江璃花子成績愈來愈好，剛啱結束嘅全國游泳錦標賽，佢於強項100自游出佳績，打破由中國龐佳穎保持咗9年嘅亞洲紀錄。如果將佢呢個成績擺喺上年世錦賽入面，可以入到100米自由游決賽。
池江璃花子於2000年出生，依家都未夠18歲，身高1米70個樣勁可愛，笑起上嚟同廣末細個時好似，所以勁受日本傳媒歡迎，唔少商品都打佢主意，搵佢做代言人。池江璃花子仲係個未成年嘅小妹妹，最鍾意同隊友自拍玩到癲，活潑個性同愛笑性格，肯定令佢愈來愈受歡迎。
原文：http://hk.on.cc/hk/bkn/cnt/sport/20180411/bkn-20180411194524663-0411_00882_001.html
黃埔體育會 為你提供至優質的游泳班 https://www.whampoa.org.hk
沒有留言:
發佈留言
任何有關游泳、泳班、泳會的查詢，歡迎留言給黃埔體育會