連登貼文講啲乜
連登原文：
大家留意，黃埔體育會正黑店來的，老師完全無愛心！上次學過一堂鬧死我個仔，d 老師仲係咁講粗口，一上水喺度食煙教壞細路，d老師完全是冇質素的！我的朋友都知道呢間係黑店，你俾咗錢之後。佢唔會教足你。佢堂堂都轉老師，周圍搵d代課老師客串就係為咗拖時間，求其應付你奉勸大家唔好浪費金錢，去邊間都好，係唔好去呢間。最後我都冇比我仔再學，佢對游水都有陰影最嬲係呢間野仲要WhatsApp警告我，叫我唔好亂講嘢好似恐嚇我咁樣我係唔會怕的，要宣揚開去等大家都知道呢間野嘅惡行！:-[:-[:-[
呢段 Post 出咗之後，大概是反應冷淡。「二世組」自己再推多兩次，不過似乎未有人和應。他自己都不禁說：咁快就沉咗。
連登原文截圖：
我們的回應
好的，咁回應一下先啦。
「學過一堂鬧死我個仔」，其實我哋啲教練出名有教養和好脾氣，鬧人呢就好少聽聞。如果真係有上過我哋游泳課的朋友都會知道。
「老師仲係咁講粗口，一上水喺度食煙教壞細路」，咁呢「食煙飲酒講粗口加紋身」都可以話係港式「壞人」的典範成見 (Stereotype)。咁沒有說我們老師飲酒，有紋身，看來我們在抹黑者眼中，還未差到最低點。想「壞過凱婷」看來也不容易。粗口就香港人普遍都懂得，但在學生或家長面前講粗口呢，似乎就未見過。一上水喺度食煙？康文署場地全面禁煙，先不說我不知道我們的教練有吸煙習慣，但一上水喺度食煙就似乎有點難度，亦不合邏輯。
「我的朋友都知道呢間係黑店」－咦？咁你又報名嘅？「你俾咗錢之後。佢唔會教足你。」這個不太明白，不過如果根據故事，學生是第一堂上課，那麼教練不按程度無差別「傾囊傳授」，似乎不合適。如果說教不足時間，多數是同學自己認為「夠皮」提早上水。上過我們游泳班的同學都知道，一般放學有遲無早。因為我們的教練，都是很喜歡「教水」的。
「佢堂堂都轉老師，周圍搵d代課老師客串就係為咗拖時間，求其應付你」咁又話上咗一堂，又會知道下一堂是不同老師？其實是否堂堂都轉老師，可以反向思考，如果同學堂堂都要求跟不同的老師學習，我們游泳會可以安排到嗎？答案是否定的。小朋友的課程是一期6堂，如果一個小朋友便需要 6位教練，行政上真的太辛苦了。對於我們來說，安排一位教練負責在指定時間上課，是最方便的。如果真的可以「周圍搵d代課老師客串」，那麼我們也不需招聘那麼多教練。所以說，堂堂都轉老師是一個荒謬、不合常理的指控。除非，小朋友上課的時間每次也不同，一時星期六下午，一時星期日上午這樣，否則編配到不同教練學習的機會不大。
之後「二世組」說：「最嬲係呢間野仲要WhatsApp警告我，叫我唔好亂講嘢好似恐嚇我咁樣。」其實我們現在都不知道你的真身 （因為大概你並不是我們真實的學生），所以又怎可能警告您呢？其他人的回應
有位網民「雅琳寶寶」（如果不是樓主分身的話）在貼文刊出後回應：
google 呢間野見到呢個po[sosad][sosad]
呢間野真係好伏，個官網講到好pro咁又睇唔起其他泳會咁，點知d 阿sir惡得黎又唔識教，不了
回應一下，「官網講到好 Pro 咁」這樣對我們的贊美，我們也衷心感謝。
「又睇唔起其他泳會咁」其實認識我們的朋友，都了解我們和眾多的游泳會都存在著友好的關係。因此我們絕對沒理由「睇唔起其他泳會」。
「點知d 阿sir惡得黎又唔識教」，我們收到家長的回饋，大部分都是斯文又對教學有方法。所以這種評語毫無根據。
抹黑貼文對我們的影響
我們推測，事件或涉及不忿和妒忌的商業競爭對手，對方存心搞事，惡意發放誹謗言論，滋擾和攻擊。對我們來說，一間有心、有理想的游泳會遭到敵對人士發動垃圾貼文攻擊，污衊抹黑，損害聲譽，對我們生意肯定有影響，我們深表遺憾。
當然，向相關網站要求刪除誹謗及不實言論，我們都認為機會渺茫。
就當作是智力測驗
網民對這些貼文，究竟 Buy 唔 Buy？ 我們亦將這些抹黑文動作是智力測驗，如果真的相信了，不來了，吃虧的倒會是他們自己。
沒有留言:
發佈留言
任何有關游泳、泳班、泳會的查詢，歡迎留言給黃埔體育會